Marshallese

Kimij bed ijin nan kom!

Ainwot ke program in ej komman nan jodikdik ro,  Jemelele ke elon men ko rebbin komij iooni rainin.  Iio ko kein rejjab bidodo. – kobain ne ebool mottad, anbwinnid ej jino oktak, kolmenlokjan im enjaake ko ad rebar oktak. Kobatok COVID 19 eo eboktok mijak im jet iien buromoj. Jekonan bwe kon jela ke kemij bellok aolep iien nan jiban.

Jemdoon ko Remman

Elon jodikdik rejjab melele ne mour in jera eo aer emman ak jab. Rej jino iakwe doon im lomnak kemmo im beek doon ej kokalleen iakwe eo emool.  Ijoke wewin kein rej komman bwe en wor inebata im joreen ilowaan jemjera eo.  Emaron jino ilo juon wewin eo kojjab likun lomnak enana, ako elak to lok wot, kemmo ko rooktak nan ire im manman.

Elon workshop ko kimij kommani nan katakin eok melele kin wewin ko remman im renana ilo juon mour in jera. Ebar wor jiban ko nan katakin eok ilo am jera. Ej jino ilp jela nae doon doon, wor kautej, jela konono ippan doon im lale doon. Kememij, ne eor jeram, ejjab aikujin wor kaamijak im metak ilo bed eo amiro.

Kojbarok ko nan kij make

Moktata jela iakwe eok make. Elikun aurok bwe kon jela wewin kojbarok eok.  Eor juon naan in palle ej ba “kojjab maron daak jan juon cup eo ejjelok kobban” melelein bwe koj aikuj emman am mour nan  am maron erloke peim nan ro jet. Elanne konej lomnak kin wewin in elikun mool.

Elon wewin ko jemaron kommani nan kojbarok kij make.  Lale bwe en lap iien am kiki im bareinwot kon kojbarok am mona, wewin jiddik kein elap aer naj jipan eok.  Elanne koj mok im konaan konono ippan jabdewot, konaan ippan ro mottam, diwoj jan mweo im etetal. Komaron bar jeje ilo juon book, jei lomnak im enjaake ko am, im komman iien am make iaam nan kakije.

Jiban Ko

Konaan ippan mama im baba enaj likun jipan. Ijoke, jejela ke jet iien ejjab bidodo konono ippeir kin men ko rebben jej iioni. Ijo in im rijerbal ro amem remaron jiban ie. Jab mijak in kurtok kim ne koj aikuj jiban.

www.TeenLinkHawaii.org 

Parents and Children Together (PACT)

(808) 847-0015

Sex Abuse Treatment Center (SATC)

(808) 535-7600

Lavender Clinic (specializes in LGBTQ+ Healthcare)

(808) 445-5392

Crisis Line of Hawaii (Oahu’s 24/7 crisis line)

1 (808) 832-3100